Ndërsa ka prezantuar paketën e dytë ekonomike të situatës së krijuar nga COVID -19, Kryeministri Rama ndonëse e cilësoi atë një paketë të plotë, tha se në të gjitha rastet qeveria është gati edhe ëpr paketën e tretë.
E parashikuar për në fundin e muajit maj për të parë edhe ecurinë e virusit, ndonëse nuk dha detaje, Rama tha se kjo paketë e tretë do të synojë të përfshijë atë kategori qytetarësh, për të cilët për shkak të perimetrit mbrojtës do të jetë e vështirë të punojnë.
“Në të gjitha rastet do të jemi gati për paketën e tretë në datat 20 – 25 maj duke parë dinamkikën në të dyja frontet dhe do të jemi gati për t’ju gjendur pranë atyre që nuk do të mundem t’ja dalin të punojnë për shkak të perimetrit mbrojtës”, tha Rama. Në paketën që u prezantua të hënën, përfshiheshin pagesa për personat që kanë humbur vendet e punës si të punësuar në biznesin e madh, për punonjësit e turizmit si dhe për përfaqësues të biznesit të vogël, që nuk ishin përfshirë në paketën e parë./Opinion.al
