Kryeministri Edi Rama dhe stafi i Kryeministrisë kanë dhuruar gjak këtë të martë, si çdo vit në kuadër të nismës për dhurimin e gjakut.
Përmes një postimi në rrjete sociale, Rama ka ndarë pamje nga salla e mbushur me të rinj e të reja teksa presin rradhën.
“Të forcojmë zinxhirin e solidaritetit për dhurimin vullnetar të gjakut, me vetëdijen se kush dhuron gjak jo vetëm ndihmon ata në nevojë, po edhe ripërtërin organizmin e vet”, shkruan Rama krahas pamjeve.
Më tej, ai ka theksuar rëndësinë e dhurimit dhe sidomos për prindërit e atyre fëmijëve që e kanë të domosdoshëm marrjen e gjakut.
“A jeni të informuar ju që kjo është shumë pozitive për organizimin? Kjo të rinon, të rigjeneron, të ndërrohet gjaku, të pastrohet. Përveç faktit që është kontribut shumë i vyer. Se duhet të vësh veten në pozitën e atyre prindërve që i kanë fëmijët me këto nevoja, por përtej kësaj është dhe shumë zhvillim pozitiv për organizmin tënd”, u shpreh Kryeministri.
