Kosovarët e kanë zakon që t’i ngjyrosin me nuanca atësore vizitat e ndryshme të kryeministrave të Shqipërisë në vendin e tyre.
Pavarësisht se kush ka qenë udhëheqësi i vendit tonë, kosovarët i kanë adhuruar pa kushte që nga Enver Hoxha, e deri te Pandeli Majko, Sali Berisha dhe sot Edi Rama liderët e këtush shqiptarë.
Kjo ndoshta për shkak të mungesës së shtetësisë dhe të ndjesisë së ndarjes së padrejtë nga Shqipëria mëmë për shumë shekuj.
Ndaj edhe Tirana zyrtare si dhe kreu i ekzekutivut të saj shihen kurdoherë si shtëpia dhe babai i munguar në Prishtinë.
Kështu është pritur edhe Edi Rama sot, si një baba informal me këmishë të hapur, ndërkohë që “fëmijët” apo nxënësit e mirë në Kosovë ishin vënë të tërë në rresht për ta pritur të kollarisur dhe tepër zyrtarë.
Një “incident” i papritur ka ndodhur me mikun e Edi Ramës, Albin Kurtin.
Ai shihet teksa ka mbuluar me xhaketë një gotë vere që qëndron buzë një tryeze.
Është dilemë e madhe a e ka rrëzyuar apo jo Kurti gotën dhe më pas në është thyer ajo nëse ka rënë.
Me siguri kjo ka qenë pjesa më e “sikletshme” e vizitës së sotme të Ramës…./Mapo
