Rama dhe Meta, në Stamboll si “çifti i lumtur”!

Dy liderët e mazhorancës shqiptare po ngjajnë gjithnjë e më shumë si personazhet e një filmi humoristik të socrealizmit, “Cifti i lumtur”! Pas një periudhe të gjatë moskomunikimi dhe agresioni në distancë, pas shumë komenteve të shtypit për divorcin mes tyre, Rama dhe Meta nuk humbin asnjë rast për t’u shfaqur bashkë. Javën e kaluar ata janë parë disa herë në publik së bashku dhe sot, e kanë bërë këtë jo më në Tiranë, por në Stamboll, në Samitin e Energjisë ku me gjasë kanë shkuar bashkë. Nuk dihet nëse të dy liderët do ta konsumojnë edhe takimin e përjavshëm të së premtes midis dy partive në një hotel të Stambollit.