Kryeministri, Edi Rama, së bashku me ministren e Shëndetësisë Manastirliu, kanë inspektuar ditën e sotme investimin e bërë në Spitalin Universitar “Shefqet Ndroqi”.
Bëhet me dije se investimi është kryer në sektorin e kardiokirurgjisë, në laboratorin ultramodern.
Sipas Manastirliut ky investim, do të jetë në dobi të qytetarëve, sepse parashikohet të shtohet numri i operacioneve të zemrës brenda vitit.
“Një shërbim që është investuar pesë vite më parë siç është ai kardiokirurgjisë është tepër i rëndësishëm. Sepse pritet të kryhen 400 ndërhyrje në vit. Kemi përmbyllur investimin në sallën e operacionit. Gjithashtu jemi dhe për të inspektuar laboratorin e ri që kemi investuar së fundmi në këtë spital, që plotëson gamën e analizave që bëhen në një spital universitar.
Duke qenë se burimet njerëzore janë të rëndësishme për të vendosur në jetë një projekt si ky. Falë nismës Mjekë për Shqipërinë, një mjek, që punon në Gjermani do të na bashkohet”, tha Manastriliu./Opinion.al
