Pedagogu Mark Marku është shprehur se dëshmia e kryeministrit Edi Rama në komisionin hetimor për inceneratorët, është e ngjashme me qëndrimet që ai mbajti për ish-ministrin e Brendshëm Saimir Tahiri, i cili ndodhet në burg.
Marku tha në emisionin “Opinion” se Rama nuk sqaroi asnjë dyshim që lidhet me akuzat për korrupsion në kontratat për inceneratorët.
Fevziu: Në daljen e sotme si t’u duk Rama?
Marku: Në daljen e sotme ishte fiks atë që ka bërë me Saimir Tahirin. Super aferë, policia e përfshirë në përhapjen e kanabisit, trafikun, kontrabandës, drogë e gjithçka. E mbronte, ministri më i suksesshëm sot është në burg. Edhe për këtë aferë është në arrest një ish-ministër dhe dy persona të tjerë në kërkim. Pse nuk shkon personi që iu ka dhënë paret ky. Kryeministri nuk ka kthjelluar asnjë dyshimë që ka të bëjë me këtë aferë.
