Kryeministri Rama në një bashkëbisedim me punonjës të një kompanie për paketën e rezistencës sociale, është shprehur se deri në fund të mandatit të kësaj qeverie, objektivi i qeverisë është që rroga minimale të rritet deri në 400 mijë lekë.
“Heqjen e taksës mbi pagën deri në 400 mijë lekë. Ajo që ka rëndësi është se të gjitha paratë që do të merrni do t’i çoni në shtëpi.
Pagat minimale në Shqipëri janë 300 mijë lekë. Paga e Prillit do të reflektojë deri në 320 mijë lekë. Ambicia është që deri në fund të këtij mandati të mos ketë pagë minimale nën 400 mijë lekë.
Sot kemi 56 % të të punësuarve që nuk paguajnë asnjë taksë, sigurisht kanë vetëm kontributet shëndetësore dhe shoqërore që janë më të ulëtat në rajon. Kjo do të thotë se i japim një lehtësi njerëzve në këto kohë. Gati gjysma e të punësuarve në Shqipëri janë me një pagë më të lartë se kaq”,-tha Rama./Opinion.al
