Deputeti, Adriatik Alimadhi, njoftoi sot se ka rezultuar pozitiv me koronavirus. Lajmi është konfirmuar nga vetë deputeti në rrjete sociale, cili shton se dhe bashkëshortja e tij është prekur nga virusi.
Teksa ka treguar të gjithë hapat që ata kanë ndjekur, Alimadhi i bën apel kryeministrit Rama, të lërë propagandën, por të marrë masa konkrete për “luftën” ndaj koronavirusit.
Ndërkohë, ka ardhur dhe reagimi i kryeministrit. Përmes një postimi në rrjetet sociale, Rama i uron shërim të shpejtë deputetit, ndërsa thotë se i mirëkupton fjalët e tij të tepërta në kushtet në të cilat ndodhet
Reagimi
I uroj shëndet e shërim të shpejtë zotit Alimadhi dhe i mirëkuptoj fjalët e tij të tepërta në kushtet në të cilat ndodhet, duke iu lutur të ndjekë këshillat e mjekëve e mos mbistresohet për strategjinë e luftës, të cilën e vendosin ekspertët e shkëlqyer që kemi jo ne politikanët!/ Opinion.al
