Kryeministri Rama i është përgjigjur edhe ishkryeministrit Berisha në “Top Story” për vendosjen e koshit të basketbollit në zyrën e tij në Kryeministri. Ai tha se nuk e kishte ‘friend’ në “Facebook” Berishën dhe se nuk merrej me ato që i cilësoi si “orgazma virtuale”.
Ai ka folur gjithashtu edhe për vizitën e tij në Washington por edhe për reagimin e Presidentit Nishani për Parkun e Liqenit.
“Një vizitë në Shtëpinë e Bardhë nuk ndodh përditë. Fakti që e kaloi kohën e parashikuar dhe pritshmëritë do të thotë shumë”, tha Rama. Ai tregoi se si Presidenti Obama theu protokollin në takimin me të. Obama, sipas tij do të vinte në drekë pak më vonë se zv/Presidenti, mirëpo ai erdhi në fillim dhe ndënji deri në fund, duke e ftuar Ramën edhe në dhomën ovale. Rama tha se aty shkëmbeu batuta me Obamën, por që nuk ishte i autorizuar nga Shtëpia e Bardhë t’i bënte publike.
Ai gjithashtu mbrojti deklaratat e mëparshme për Donald Trump, duke theksuar se ai rrezikon shumëçka nga marrëdhëniet SHBAShqipëri. I pyetur për protestat në Nju Jork, Rama gjeti rastin që të sulmonte Presidentin Nishani. Ai tha se nuk ka asgjë të çuditshme kur protestojnë qytetarët, çudi sipas tij është kur një President proteston për kënd lojërash./ Panorama
