Kryeministri i Shqipërisë, Edi Rama nuk heq dorë nga stili i tij i veshjes, edhe sot në panelin e shoqërisë civile në kuadër të Samitit të Nismës së Berlinit në Trieste, u shfaq me atlete “Adidas” dhe kostum të zi.
Kryeministri i Shqipërisë, edhe para fillimit të Forumit, ende pa folur për temën e marrëdhënieve mes vendeve të Ballkanit Perëndimor, ka tërhequr tashmë vëmendjen e gazetarëve me pamjen e tij.
Pas stilit me çitjane ku Rama u shfaq në një takim rreth një muaj më parë në Bruksel me shefen e diplomacisë evropiane Federica Mogherini në kuadër të një mbledhje të përbashkët me kryeministrat e rajonit, shkruan opinion.al
Rama është i njohur për stilin e tij ndryshe tejet informale të veshjes, dhe kështu, këtë e dëshmoi edhe me paraqitjen e tij në fushatën elektorale para zgjedhjeve të 25 qershorit, gjatë fushatës, por edhe ditën e votimit, është shfaqur komplet me veshje sportive.
Për këtë Rama është kritikuar publikisht nga analistë apo njerëz të njohur, por ai pavarësisht këtyre nuk ka hequr dorë nga stili i tij. Ajo që vihet re se të njëjtat atlete që ka veshur sot në Samitin e Triestes Rama i ka përdorur edhe në daljen e tij të fundit në emisionin “Opinion”.
Por duket se kjo nuk u ka pëlqyer as ndjekësve të tij në rrjetet sociale, një sërë kritikash kanë ardhur në adresë të tij sot për atletet që mbante në samitin e Triestes. /opinion.al
