Mëngjesin pas protestës, kryeministri Edi Rama ka takuar në një mbledhje me dyer të mbyllura në zyrat e tij kryeprokuroren Arta Marku, ministrin e Brendshëm Sandër Lleshaj si dhe drejtorin e SHISH, Helidon Bendo.
Vetë kryeministri në konferencë e pranoi këtë takim dhe tregoi për çfarë është diskutuar.
“Po e kam takuar, madje dhe një burim medatik e kemi listuar në atë listën e zyrës që punon me shpifje. Kishte nxjerrë që unë i kisha kërkuar që të çojë hetimin për protestën e djeshme në krimet e rënda. Një film! E kam thirrur, po! Së bashku me drejtues të tjerë të agjencive ligj-zbatuese. Jo për protestën e djeshme por për të mësuar domosdoshmërinë, kur dje është dhënë mesazhi i kërcënimit të rendit kushtetues. Për të garantuar se ky mesazh nuk do gjejë rrugë për tu kthyer në pengesë për zgjedhjet. Zgjedhjet nuk janë të PS, as qeverisë por themeli i një sistemi bashkëjetese”, tha Rama./ Opinion.al
LEXO EDHE- Rama takim me Lleshajn, Markun dhe shefin e SHISH
