Teksa diskutohej buxheti i shtetit për vitin 2017, Rama dhe Berisha nuk kishin si të linin jashtë fjalimeve në parlament edhe ligjin e ventigut apo negociatat për në BE. Nga foltorja e Parlamentit, Rama që foli i pari e cilësoi opozitën e vendit si antishqiptare pasi po bllokon qëllimisht hapjen e negociatave me vonesën në zbatimin e ligjit të vetingut. Nga ana tjetër, Sali Berisha deklaroi se për BE dhe për zonjën Merkel nuk është shqetësim vetingu në veçanti por prishja e konsensusit për reformën në drejtësi. Pra konfliktet e brendshme politike.
Pjesë nga deklaratat sot në Parlament
Rama: Të arrinit në pikën që fajin e ka përkthyesi ka kaluar të gjithë parashimet. Përkthimi ku keni humbur ju është rruga e ankthit nga reforma në drejtësi. Nuk keni shans ta ndaloni dot reformën në drejtësi, thjesht do ta vononi dhe do ta paguani sa frëngu pulën në zgjedhjet e ardhshme. Shqetësohem që vonesa i lë një faturë shumë të rëndë Shqipërisë, Mirëfillimi po i bini ndesh interesit kombëtar të Shqipërisë. Unë as nuk e kam përdorur dhe nuk e përdor fjalën antishqiptar. Por kjo që bëni me reformën në drejtësi është thellësisht antishqiptare. E bëni se jeni të trëmbur , dhe të trembur duke iu mbajtur avazin të trembur në rreshtat e parë, apo se nuk e dini ca po bëni nuk e di por është akt aktikombëtar
Ti bëni pritë një vendi duke bllokuar negociatat ky është kulmi por ne do ta vazhdojmë financimin e reformës. Jemi të bindur që do ta vononi si ndryshimet kushtetuese por s’keni shans ta ndaloni.
Berisha: Dramatike është dështimi i plotë i hapjes së negociatave. Ky dështim lëndon në shpresë e besim çdo qytetar shqiptar. Gjatë këtyre tre viteve Shqipëria kishte mundësi të shënonte përparim se kemi ngelur të fundit . Shanset i shkelmoi me shkallën më të lartë të papërgjegjshmërisë Edi Rama. Shkaku më themelor është varrosja e konsensusit nga Edi Rama. Zonja që e priti (Merkel) ia tha në sy para gjithë popullit.
Pikë tjetër është krimi. Janë jo një por disa ministri të brendshme të BE-së që kanë nxjerrë kartonin e kuq. Ju ju rroftë Saimir Tahiri, mbajeni ta keni me shëndet, por ajo që ju them është e vërteta absolute. Ministritë e Brendshme janë të lemerisura nga krimi në Shqipëri. Duhet të jesh i pamend të thuash që zgjedhjet nuk janë kusht. Ja 6 muaj janë dhe vijnë. Ia përmendi zonja.
Lëri kërcënimet. Hiq dorë nga kërcënimi i Europës se Shqipëria mund të bjerë në dorë të Putinit apo ISIS. Ti mund të biesh në plehrat e Europës, por një gjë mund të them mos e trash këtë bisedë se mund të marrësh sic e mori tjetërkush kartonin e kuq. Mos mendo se me kërcënim mund të gjunjëzosh Europën. lëri dënglat, sajesat e një psikologjie të sëmurë.
U ktheve nga Gjermania sikur po vije nga Kuba, nis fjalimi 20 minuta kundër opozitës.
Berisha për buxhetin: Ju jeni një organizatë kriminale dhe silleni si organizatë kriminale. Thoni ju se po rrisni rrogat me 100 milionë dollarë, se janë 7 miliardë lekë. Po le ta lëmë këtë, e zëmë se është kështu. Piktori dështak deklaron se në 3 vite rrogat u rritën 125 milionë dollarë për çdo mjek, çdo infermier, çdo mësuese, çdo qytetar. Shpërblimet për administratën jepeshin vetëm për të tamponuar rritjen e inflacionit. Kjo dëshmon injorancën e turpshme të tyre.
Nastradini i shkaravinave, që nuk di ç’është GDP-ja, u thotë shqiptarëve se këtë vit do investojmë 3 për qind të GDP-së në shëndetësi dhe pastaj sa është shifra e investimeve? 50 milionë dollarë. Kaq është për injorantin 3 për qind e GDP-së.
