Kryeministri Edi Rama ka reaguar përsëri lidhur me akuzat se ka shpenzuar 22 milionë euro për udhëtime jashtë vendit.
Nëpërmjet një postimi në rrjetet sociale, kreu i qeverisë ka bërë një krahasim të shpenzimeve vjetore për udhëtime mes tij dhe Sali Berishës gjatë kohës që ishte kryeministër.
Sipas Ramës, në vitin 2008 Berisha ka shpenzuar 261.023 Lekë të reja, ndërsa vet ai gjatë vitit 2022 ka shpenzuar 120.459 Lekë të reja.
Po ashtu, kreu i qeverisë në postimin e tij nuk i ka kursyer ironitë për opozitën.
“Tjetër shembull se si shpifja monumentale e miliona € për tregon, që rublaxhinjtë e opozitës dhe gjobaxhinjtë e ekraneve tallen me përbuzje me shqiptarët: Shpenzimi mesatar vjetor i Kryeministrit për udhëtimet jashtë 2008 -261.023 Lek të reja 2022 -120.459 Lek të reja”,-shkruan Rama./Opinion.al
