Teksa ndodhet në takimin me kryetarët e bashkive, Kryeministri Rama shkëmbeu batuta me kreun e Bashkisë së Kavajës Fisnik Qosja, teksa po kritikonte drejtuesit lokalë për procesin e legalizimeve.
Pas fjalës së drejtores së Agjencisë Shtetërore të Kadastrës, Lorena Goxhobelli, e cila tha se shumë prej bashkive nuk marrin fare pjesë në procesin e legalizimit, Rama e pyeti: “Çfarë përgjigje kanë bashkitë që nuk kanë bërë asnjë matje dhe nuk kanë bërë asnjë legalizim”.
Më pas kreu i qeverisë shtoi se asnjë subjekt privat nuk duhet të disponojë letër që të thotë “je në proces”. “Madje besoj se ka ardhur koha që të gjithë kërkesat për legalizime të shtesave të lokaleve, t’u vihet një vizë e madhe Shtëpitë e banimit janë një gjë tjetër, kurse ndërtuesit dhe tregtarët, nuk mund të flitet për proces”, tha Rama.
Pas fjalës së kryeministrit ndërhyri Qosja, i cili tha: “Kemi 6 vjet matje dhe janë 20 vendime legalizimesh, kështu që nuk jemi 0. S’jemi aty ku duhet, por jo 0”.
Kryeministri ju përgjigj: “0 je, 0! Je demokrat komplet!”
