Kryeministri Edi Rama përmes një statusi në facebook thotë po pres të takoj Bashën por pa kushte.
“Lulëzim sot 3 ditë që pres vendin/orën për të nisur dialogun pa kushte! Gjejmë zgjidhje votojmë Vetingun shkojmë në zgjedhje. Mos ki frikë!”, shkruan Rama në facebook
Por në fakt edhe me këtë status palët duket se do jenë sërish të ndara, pasi Basha kërkon të shkohet në takim me axhendë, pra me një plan pune mbi pikat që do diskutohen dhe këtë e deklaroi mbrëmë në Opinion. Ndërsa Rama, këto i quan “kushte” dhe kërkon që takimi të zhvillohet pa u përcaktuar më parë tema e bisedës.
Basha mbrëmë në Opinion deklaroi: “Stafi im ka kontaktuar atë të Kryeministrit, për një takim të mundshëm, për dialog të orientuar për të zgjidhur krizën. Takimi duhet të japë zgjidhje, jo takim për shfaqje, foto e deklarata”. /Opinion.al
