Kryeministri Edi Rama për herë të parë përmendi emrin e një biznesmeni në foltoren e parlamentit, duke thënë se taksat nuk po i ul për miqtë e tij por për njerëz qe duan të zhvillojnë vendin.
Rama iu drejtua liderit demokrat Basha me fjalët: Avni Ponari, financues i PD-së dëshiron të bëjë një hotel me 5 yje në Valbonë. A po pastron para Ponari?
Deklarata e Ramës ishte në përgjigje të Bashës i cili më herët tha se hiqet TVSH-ja për Balilët që kanë ngritur hotele me paratë e drogës dhe i vihet biznesit të vogël.
Në përgjigje të Ramës për biznesmenin Ponari, Basha tha se nuk i ndan biznesmenët në financues të PD apo të PS-së por në biznesmenë që punojnë ndershëm dhe atyre që po pastrojnë paratë e drogës.
/Opinion.al
*Në foto: Pronari i SIGAL, Avni Ponari
