Një ditë pas protestës së opozitës në Tiranë dhe “antimitingut” që zhvilloi kryeministri Edi Rama në Vlorë, tani “lufta” përmes fotove bëhet për pjesëmarrjen.
I pari që postoi në rrjetet sociale fotot ishte kryedemokrati Lulzim Basha. Por kryeministri, nga ana tjetër edhe gjatë kohës që ishte live në ERTV bëri një demostrim force duke treguar nga kënde të ndryshme se kishte një pjesëmarrje të madhe.
Dhe sigurisht nuk mund të mungonin disa foto nga ky aktivitet që kryeministri t’i postonte në rrjetet sociale. Megjithatë koha ka treguar se të dyja forcat politike shpesh i fryjnë shifrat. Për të treguar këtë, ish-deputeti i PD-së, Fatbardh Kadilli ka publikuar një foto nga aktiviteti i Ramës teksa shkruan se nuk kanë qenë më shumë se 3652 karrige ose pjesëmarrës.
