Kur na ndajnë edhe disa orë nga dita e votimeve “ethet” e zgjedhjeve sa vijnë e shtohen.
E ardhmja e vendit për 4 vitet e ardhshme varet nga dita e nesërme, ndaj mediat përveç sondazheve të shumta ditëve të fundit kanë shfrytëzuar edhe mundësinë e parashikimeve nga astrologët për të kuptuar me përafërsi rezultatin e ditës së nesërme.
E ftuar në emisionin e Rudina Magjistarit në Klan, astrologia Meri Shehu ka bërë këtë parashikim:
Numri 1- LSI, energjia e numrit 1 parashikon fillime të reja, vullnet i fortë, mundësi për rezultat. Nëse merr një paralelizëm me Metën që i përket shenjës së Dashit, mund të jenë edhe pak në vështirësi. Megjithatë, mundësia e 1-shit është e mirë dhe pozitive.
2-PS, presupozon dualizmin, fuqinë e logjikës, balancën, sjell energji për balancë ose dualizëm. Sipas këtyre të dhënave, fitorja i bie të jetë e mirë, por kërkon partneritet dhe nuk përjashtohet mundësia e koalicionit.
6-PD, numër legjendë, ca e kanë fat, ca frikë. Realisht nuk është frikë, shpreh mirësi, dashuri dhe diplomaci të hollë. Sjell energjinë e diplomacisë, PD me diplomaci do arrijë në një pozicion të këndshëm, nuk përjashtohet koalicioni, pasi diplomacia çon në marrëveshje.
