Mbledhja e 8-të mes qeverisë së Kosovë dhe Shqipërisë në Prishtinë, është shoqëruar me batuta mes ministrave e kryeministrit Rama, i cili po koordinonte mbajtjen e fjalës mes ministres Balluku dhe ministres së Kosovës.
Edhe pse Balluku e pyetu “si e kemi radhën për të folur”, Rama nuk kurseu batutat, duke i thënë se nuk duhet t’ia merrte fjalën koleges së saj të Kosovës.
“Mos u nxit t’ia marrësh koleges, sepse tregon atë që kemi thënë gjithmonë, sa më shumë gra aq më mirë për vendin, por aq më keq për gratë”, tha Rama.
Biseda mes ministres dhe kryeministrit:
Balluku: Si e kemi radhën për të folur?
Rama: Këtu radhën e zgjidhni vetë, sepse besoj që kur flas unë, ti nuk do ja marrësh. E kemi ndryshuar, Albini ja jep të parëve atyre që kanë ardhur nga Shqipëria, unë ja jap të parëve atyre që kemi gjetur këtu. Kështu që mos u nxit t’ia marrësh fjalën koleges, sepse tregon atë që kemi thënë gjithmonë, sa më shumë gra aq më mirë për vendin, por aq më keq për gratë.
