Kryeministri Edi Rama i porsa kthyer nga samiti i Sofjes doli në një konference për mediat direkt në aeroportin e Rinasit. Ai tha se negociatat janë të vështira për shkak të gjendjes se ku ndodhet vetë BE dhe jo për fajin tonë, pasi i kemi bërë detyrat. Më tej ai iu përgjigj interesit të medias që sigurisht u fokusua tek çështja “Xhafaj”.
Gazetari i kërkoi të publikonte emrin e agjencisë nga ku marrë përgjigjen se audiopërgjimi i vëllait të Xhafës është i manipuluar.
Rama u përgjigj: Agjencia është e specializuar por adresën nuk mund t’ua jap. Kjo ishte urgjente për mua, s’ka vlerë si një prove. Provën duhet ta identifikojë dhe certifikojë prokuroria. Për sa më takon jam i qartë se bëhet fjalë për një maskaradë me qëllime të qarta dhe e motivuar nga frymëzimi malinj për të bërë çmos për të penguar dhe mundësisht për të hedhur në erë negociatat. Dita e djeshme duhet tu kishte dhënë të gjithëve mundësinë të shikoni përmes audio-video shpk të SHQUP-it se në çfarë deregjeje është katandisur Partia Demokratike.
E patë se çfarë mungesë respekti ka PD për inteligjencën e shqiptarëve. Dhe pse ka pritur këtë kohë për të bërë këtë gjë, për diçka që ka pasur kohë më parë?! Në një kuptim e falenderoj PD që e bëri të lehtë demaskimin e kësaj maskarade me atë që dha dje në teatrin e SHQUP-it.
Gazetari: Nese ju do te na tregoni agjencinë do te na ndihmonit te kuptojme se pse duhet tju besojme juve dhe jo PD-se?
Rama: Nuk mund të ndihmoj! Eshtë e qartë dhe e prerë: Ajo ç’ka i është servisur publikut është një manipulim i shëmtuar, pastaj detajet janë çështje të prokurorisë dhe debatit kur diskutojmë se pse u bë kjo dhe pikërisht në këtë moment.
Gazetari: Ju e ironizuat dje dëshmitarin?
Rama: Sepse unë kam sy kam dhe veshë. Kur pashë dhe dëgjova, fillimisht nuk u besova syve dhe veshve. Ajo që pashë…edhe ju vetë e dini që është për të qeshur dhe për të qarë për nivelin mizerabël farsë dhe ofensivën që po lëshohet ndaj negociatave. Për njerëzit që jashtë Shqipërisë ky shihet si një sabotim monumental i kësaj përpjekje tone për integrimin.
Gazetarja: Pse duhet tju besojnë shqiptarët ju, kur keni dhënë garanci edhe për Tahirin dhe Roshin?
Rama: Shqiptarët… lëruani vetë shquiptarëve se kë besojnë se me ata merrem vesh vete. Unë kam qendruar strikt deklaratave të mia. Po të kthehesha mbrapa do bëja të njëjtën gjë. Kam referuar ato që kam ditur në momentin e caktuar. Unë nuk heq asnjë presje atyre që kam thënë për Tahirin. Përgjigjen nëse është cënuar figura e ministrit, unë e kam marrë: Ministri i Brendshëm do jetë në krye të punës sepse ka rezultate dhe kjo është një tjetër arsye pse këta (PD) janë kaq të shqetësuar.
Gazetarja: Dmth ju për negociatat po thoni se ka sabotuar PD?
Rama: Unë nuk e akuzova ndava me publkun atë që po ndodh. S’dua të nxjerr nga shqipja ime e pasur fjalën “sabotim” sepse vendimi i vendeve të BE nuk është vendimtar, balta bën punën e saj në mjegullën ku ndodhe BE në raport me vetveten e lërë më pastaj me ne. Për këto s’kam fjalë tjetër. Kam besim deri në qershor, ne nuk do zbrapsemi.
/Opinion.al
