Kryeministri Edi Rama është shprehur përsëri se zgjedhjet lokale nuk do të shtyhen dhe se data e 30 qershorit nuk do të negociohet me opozitën.
Rama tha se 30 qershori do tregojë vijën e kuqe një politike që kërkon të marrë peng popullin dhe demokracinë e një vendi.
Kryeministri tha se Partia Socialiste nuk ka asnjë presion nga faktorët ndërkombëtar.
“Nuk ka shtyrje zgjedhjet dhe nuk do të këtë asnjë negocim me asnjë. Unë jam në fushatë elektorale dhe 30 qershori është një datë historike pasi do të vihet vija e kuqe për këtë lloj politike që kërkon të marrë peng vendin, popullin dhe demokracinë e një vendi duke e kërcënuar me molotov, kapsolla e dhunë në rrugë. Kjo vije e kuqe duhet të vihet se përndryshe çfarë kuptimi ka. Nesër do të vijë një parti tjetër dhe do kërkojë të njëjtën gjë duke kapur peng demokracinë. Nuk kemi asnjë presion ndërkombëtar për datën e zgjedhjeve”,-tha Rama./ Opinion.al E.Xh.
