Kryeministri, Edi Rama, gjendet në Shijak, ku po zhvillon një bashkëbisedim për rindërtimin me qytetarët e prekur nga tërmeti.
Megjithatë, teksa i dha fjalën një arkitekti italian, kryeministri bëri një batutë “koronavirusi” .
“Nuk ta jap dorën se ti vjen nga Italia, nuk i dihet kurrë.”, u shpreh ai.
Më pas kreu i shtetit, foli dhe për Covid-19. Ai tha se në Shqipëri nuk ka të prekur, por ka njerëz që duan të përhapin panik.
“Ka një infodemi të lajmeve të rreme, komente pa asnjë bazë shkencore që rrit shumë panikun, ankthi e pasigurinë te njerëzit. dhe pavarësisht porosive të OBSH, pengon shumë përballjen me këtë epidemi. Duhet të jemi të kujdesshëm duhet të jemi racionalë me kontaktet. Nuk është çështje trimërie apo karshillëku, po të jemi të kujdesshëm.
Deri më sot nuk kemi asnjë rast, se ka në burimet e infodemisë shumë gjëra që janë edhe kërcënuese për psikologjinë e njerëzve. po ka nga ata që me qëllim duan të përhapin panik, ju e dini kush i ushqen ato burime, pse i ushqen e me radhë. Janë munduar të thonë ka ardhur e kemi fshehur, asgjë nga këto nuk është e vërtetë sepse jemi në kontakt të përditshëm me OBSH. Mos ardhtë kurrë, i kemi bërë përgatitjet tona, nëse vjen do ta përballojmë, me rëndësi është të ndjekim këshillat e organeve zyrtare. Si një që merrte drejtoreshën ka alkool s ka alkool kjo s ka të bëjë me realitetin e përgjithshëm. Kur Franca si vendi me sistemin shëndetësor më të njohur detyrohet të bëjë sekuestrimin e maskave nga të gjithë, sepse u bë nami kot. Burimet zyrtare thonë se maskat s’i shërbejnë njerëzve që nuk e kanë, nuk duhen për gjithë njerëzit.”, tha Rama.
