Kryeministri Edi Rama ka deklaruar se vitin e ardhshëm do të ketë rritje rroge për mjekët dhe infermierët.
“Pagat e mjekëve dhe infermierëve, janë larg së qeni ashtu siç duhet të jenë, por janë larg me atë çfarë ka qenë, por janë shumë larg me çfarë ishin. Vitin e ardhshëm do të rriten pagat e mjekëve dhe infermierëve”, u shpreh Rama.
Kryeministri i bëri apel mjekëve të rinj të mos largohen nga vendi, pasi do t’i paguajë ata me të njëjtën shifër që do të merrnin në Gjermani.
“Për të gjithë ata që do kontribuojnë në ato zona që janë jashtë zonave të tyre të banimit, do marrin aq sa do merrnin nëse do ta fillonin punën në Gjermani”, ka deklaruar ai.
Këtë deklaratë ai e bëri gjatë prezantimit të flotës së re të shërbimit të urgjencës.
Flota e Shërbimit Kombëtar të Urgjencës u shtua me 32 autoambulanca, në prezantimin e të cilave ishte kryeministri Edi Rama dhe ministrja e Shëndetësisë Ogerta Manastirliu.
