Një nga pikat më interesante të diskutimit të Kryeministrit në takimin me përfaqësues të teknologjisë, ishte propozimi për ndërtimin në Shqipëri të muzeut të parë tërësisht të bazuar në Inteligjencën Artificiale, një projekt inovativ i një startup-i shqiptar.
“Në Tiranë në shtator do t’i japim arkitekturës bashkëkohore dhe botës një inovacion që vjen nga një start up shqiptarësh dhe që nëse është ashtu siç më duket mua nga sa pashë dhe siç tregon edhe interesimi i shumë arkitektëve, do të mund ndryshojë shumë mënyrën se si funksionon i gjithë sektori dhe studiot e arkitekturës botërisht.
Sikundër me shumë gëzim dhe me shumë përgjegjësi, do të angazhohem personalisht edhe me strukturat përkatëse për të parë nëse mund të ndërtojmë në Shqipëri me këtë teknologji të re, të propozuar nga start up, muzeun e parë tërësisht me AI. Thënë të gjitha këto, besoj që është e udhës që nga tryezat të bëhen referimet e përmbledhura të temave që u diskutuan”, tha Rama.
