Kryeministri Edi Rama është pyetur në konferencën e sotme për mediat lidhur me zgjedhjen e Presidentit të ri në 2017. Referuar intervistës së mbrëmshme në Opinion, ku Nishani shfaqi ambicie për një mandat të dytë, Rama tha se ambicia e tij është kohë e humbur. Presidenti i ri do të zgjidhet nga mazhoranca, konfirmoi Kryeministri.
“Ne nuk jemi në SHBA ku dikush shfaq ambicie induviduale për tu bërë President. Me sistemin që kemi është mazhoranca, pra në rastin konkret Aleanca për Shqipërinë Europiane (PS, LSI) ajo që vendos Presidentin e ri”, tha Rama
I pyetur nëse ka ende një emër, ai tha se është shpejt për të folur për këtë. “Ju siguroj nuk jemi keq për emër por do diskutojmë brenda koalicionit, pra do të kalojmë në atë që quhet vështirësia për të zgjedhur Presidentin e ri”, u shpreh ai. /Opinion.al
