Ish-kryeministri Sali Berisha ka zhvilluar ditën e sotme një takim me strukturat e qarkut Tiranë, ku ka folur për raportet e Shqipërisë dhe Kosovës.
Gjatë fjalës së tij, ai tha se Tirana është shndërruar në një replikë të Beogradit në rrafshin politik në raportin e kombit shqiptar.
Ai theksoi se Rama po trajton kryeministrat e Kosovës si kryebashkiakët e Vlorës, teksa shtoi se kryeministri Rama është kthyer në një altoparlant të Beogradit.
“Jemi në kushte kur qeveria shkelmon dhe shpërfill votën e qindra mijërave votuesve dhe nuk pranon të ketë një opozitë. Këto janë zhvillime absolutisht të papranueshme. Ne kemi toleruar Edi Ramën në çdo akt që ai ka bërë dhe jo vetëm kundër nesh, por që ka bërë kundër Shqipërisë, kombit shqiptar. Unë i them çdo shqiptari që ka një grimcë atdhetarie dhe patriotizmi për këtë vend, si ndjehet ai kur Tirana është shndërruar në rrafshin politik në raportin e kombit shqiptar, një replikë e Beogradit. Madje në propagandë edhe më agresive.
A mund të ketë imagjinatë normale, a mund të ketë njeri që unë mund ta pranoj që çdo javë ë të vërsulet kundër gjysmës së kombit.Të mallkojë, denigrojë kundër udhëheqjes politike të një vendi të pavarura. Trajton kryeministrat e Kosovës sikur të ishin kryebashkiakët e Vlorës. Pra është kthyer në një altoparlant të Beogradit”, tha Berisha./Opinion.al
