Në kuadër të turit Ballkanik, kryeministri Edi Rama është në një konferencë për shtyp në Maqedoninë e Veriut.
Rama është pyetur edhe një herë për refuzimin e takimit të kryeministrit Albin Kurtit.
Ndër të tjera, ai shtoi se për këtë çështje do të flasë nesër, me shqiptarët e Kosovës, duke thënë se nuk beson se Kurti e ka harruar Kanunin, pasi edhe hasmit nuk i mbyllet dera kur të vjen në shtëpi.
“Në Kosovë kur të shkoj kam akoma shpresë që Albini nuk e ka harruar Kanunin, që kur vjen në shtëpi edhe hasmit i hapet dera dhe është ndaluar ta nxjerrësh deri kur ai të mbarojë fjalën”, tha Rama./Opinion.al
