“Vendimi për të djegur mandatet ishte i vështirë, por çfarë do bëheshim ne, fasadë e shëmtuar e qeverisjes së Ramës? Është tradhti kombëtare t’i shërbesh Ramës, ne thjesht bënim sikur po bënim opozitë. Prandaj djegia e mandateve erdhi për të ndërgjegjësuar çdo qytetar, çdo socialist, çdo punonjës të administratës që shteti sot është i kapur, i kapur Parlamenti, drejtësia dhe siguria. Kemi vetëm një rrugë, përballje me këtë grup kriminal që ka kapur shtetin. Ne nuk tërhiqemi asnjë hap pas”.
Ishte kjo deklarata e kryetares së LSI-së, Monika Kryemadhi në një takim me strukturat në Lezhë.
Teksa një ditë më parë kryeministri Rama e akuzoi si përgjegjësen kryesore të shit-blerjes së votave, zonja Kryemadhi iu përgjigj me dy dosjet, që sipas opozitës tregojnë përfshirjen dhe të ministrave në blerje votash.
“Nga dosjet 339 dhe 184 e ka kapur ankthi Ramën. Çfarë janë këto dosje? Ajo që zbulohet aty është më e rëndë se shit-blejra e votës, është bërë përdorimi i bandave kriminale për ta blerë votën përmes kërcënimeve. Dosjet tregojnë hapur se si bandat kanë përfshirë segmentet më të lara të PS dhe qeverisë së Ramës në shit-blerjen e votës”/Opinion.al
