Kryeministri Rama ishte sot në Roshnik të Beratit për të prezantuar investimet në agroturizëm dhe trashëgimi kulturore. Ai tha se shtëpia e Qyprillinjve do të marrë 80 mijë USD dhuratë për të shtuar prodhimin. “Kush investon sot në agroturizëm, garanton pa asnjë diskutim një ekonomi të qëndrueshme familjare dhe patjetër nëse projekti zhvillohet krijon edhe punësim”, tha Rama.
Kjo familje me tradita, ka punuar në prodhimin e verës dhe të rakisë dhe ka tregtuar në rajon.
Një arsye tjetër që mbështetet financiarisht është se zhvillimi i turizmit. Turistët që vijnë në drejtim të Beratit, të kalasë, të urës duam që të shtrihen dhe Roshnik dhe fshatrat përreth tha më tej Rama.
“Janë 10 milionë USD në dispozicion të programit të “100 fshatrave”, të vendosura për të gjithë ata që kanë një ide, që kanë një projekt për të zhvilluar dhe që duan të bëhen pjesë e këtij procesi, ku flasim për agroturizëm, ku flasim për trashëgimi kulturore, ku flasim për startup në fshat dhe për itinerare turistike”, theksoi kryeministri. /Ri-De
