Muzeu Onufri në Berat ka mirëpritur mbi 30 mijë vizitorë vetëm gjatë pesë-mujorit të parë të këtij viti.
Lajmin e ka bërë publik vetë kryeministri Edi Rama përmes një postimi në rrjete sociale.
Ai thotë se brenda muzeut në Kala që mban emrin e ikonografit të pavdekshëm shqiptar, Onufri janë dy mije objekte të përzgjedhura nga kishat dhe manastiret e këtij rajoni.
“MIRËMËNGJES
dhe me muzeun që mban emrin e ikonografit të pavdekshëm shqiptar, Onufri, e që brenda mureve plot histori mban 2,000 objekte të përzgjedhura nga kishat dhe manastiret e rrethit të Beratit, duke mirëpritur numrin rekord të mbi 30,000 vizitorëve gjatë pesëmujorit të parë të vitit, ju uroj një ditë të mbarë”, shkruan Rama.
