Pasi ka përfunduar numërimi i votave në të gjithë vendin dhe Partia Socialiste ka dalë fituese me 74 mandate në zgjedhjet e 25 prillit, kryeministri, Edi Rama mëngjesin e sotëm e ka nisur me një video të publikuar nga Fushë-Kruja.
Në video Rama publikon pamje nga shtëpitë e rindërtuara nga tërmeti i 26 nëntorit, ku bën me dije se janë rindërtuar 15 pallate, 100 apartamente 167 shtëpi. Po ashtu ai thotë se janë ndërtuar çerdhe, kopështe, shkolla e qëndra shëndetësore.
Ndërkohë, krahas videos ai shkruan se në këtë mandat të tretë do të ketë 3 herë më shumë punë, për t’ju kthyer sadopak borxhin shqiptarëve që e votuan.
“Dhe tani 3 herë më shumë punë, për t’ju kthyer sadopak borxhin e madh ku më futët të dielën e bukur të 25 prillit.” shkruan Rama./Opinion.al
