Kryeministri Edi Rama deklaron se 164 mijë persona me aftësi të kufizuara në Shqipëri do të kenë mbështetje nga buxheti i vitit 2025.
Në një postim në rrjetet sociale, kreu i qeverisë shkruan se Programi i Mbrojtjes Sociale synon të përmirësojë cilësinë e jetës për këta qytetarë, duke u ofruar jo vetëm ndihmë ekonomike, por edhe mbështetje për përfshirjen sociale dhe akses në shërbime të specializuara.
Kryeministri e mbyll postimin e tij duke shkruar “punojmë për një Shqipëri me më shumë dinjitet e humanizëm”.
