Kryeministri Edi Rama gjatë një takimi në Mallakastër, ka sulmuar kreun e opozitës, ndërsa edhe një herë e konsideroi atë të varur nga Meta, Berisha dhe Kryemadhi.
“Kur voton Lulin është si vezët cokollatë se të del xhindi, jo një por 3. E të rroftë lezeti i cokollatës se të ngel në fyt grupi i xhindeve.
Më thonë po pse i thua Gjino? Po se është Gjinua, shikoni si e nxjerrin nëpër ato dasmat nëpër rrugë. Saliu rri si gogol edhe fshihet pas qytetarit dixhital. Iliri vjen vërdallë dhe nuk di përse thotë fjalën burg,burg, burg… Por duket se i nxjerr frikën vetes. Monika dihet, filxhan, filxhan. Dhe kjo histori s’ka lidhje me ne, me punët e vendit, me luftën për vaksinën dhe rindërtimin”, tha Rama.
Në takimin e tij në Bylis, ndonëse nuk bëri premtime apo nuk shtroi projekt-ide konkrete për zonën, Rama edhe një herë kujtoi arritjet e tij në drejtim të sigurimit të vaksinës, ndërsa tha se nëse vjen një qeveri tjetër, ky proces do bllokohet.
“Në Vlorë kudo ku shkojnë thonë do bëjmë kallëzime. Këtë do e çojmë në prokurori, atë do e çojmë në prokurori, edhe aeroportin do e çojnë në prokurori. Do bllokohet çdo gjë, edhe vaksinat. Kush do i gjejë vaksinat, Luli? Si do i gjejë? Me të fjetur? Është një tmerr. Është t’i biesh botës 5 herë rrotull e të lypësh në çdo derë që të hapet e të bëhesh i padurueshëm duke kërkuar që të arrish diçka të marrësh. Këtë e zë gjumi duke ardhur nga Durrësi në Tiranë”, tha Rama. Në fund të fjalës së tij ai u shpreh se në Fier PS do të marri 11 deputetë dhe do të jetë fituese në të gjithë vendin./Opinion.al
