Ai është deputeti i 94 i Parlamentit, ndërsa këtë të enjte u betua. I pyetur rreth deklaratave të Ilir Metës zëvendësimi i deputetëve të opozitës është jo i ligjshëm dhe nëse do të votonte një shkarkim të Presidentit, Ralf Gjoni u përgjigj:
“Nga angazhimi me zotin Meta kam vetëm kujtime të bukura, që i ruaj me qetësi dhe fanatizëm. Është një periudhë e bukur e jetës sime dhe nuk kam pse ta hedh poshtë. Unë shkarkimin e zotit Meta nuk e votoja në parlament”, theksoi deputeti më i ri, ndërsa hodhi akuza të forta ndaj Monika Kryemadhit.
“Kjo parti është kapur peng nga një marrazi, unë nuk ka qenë për çizme, jo për dhunë, jo për rrugacëri”, theksoi ai. Sa i përket ndryshimeve zgjedhore, ai tha se vendi ka nevojë për një reformë tjetër zgjedhore.
“Sistemi aktual me listat të mbyllura jo vetëm deformon vullnetin zgjedhësve, por sjell dhe këta emra deputetësh në Kuvend me këtë cilësi”, deklaroi Ralf Gjoni. Pranimi i mandatit tha se nuk ishte një hakmarrje ndaj LSI. Gjoni ka qenë më parë Sekretar i LSI-së për marrëdhëniet me Jashtë si dhe këshilltar i ish-kryetarit të Parlamentit, Ilir Meta./Opinion.al
