Kryebashkiaku i Kamzës, Rakip Suli ka paditur në Prokurorinë e Posaçme kundër Krimit dhe Korrupsionit (SPAK) paraardhësin e tij Xhelal Mziu.
Sipas News 24, kryebashkiaku i PS-së, Suli e ka paditur Mziun për “shpërdorim detyre” për një leje ndërtimi që ish-kryebashkiaku i PD-së kishte dhënë për ndërtimin e një thertoreje në Laknas.
Në zgjedhjet e fundit lokale, Xhelal Mziu nuk kandidoi për shkak të bojkotit nga PD, dhe Rakip Suli fitoi i vetëm Bashkinë e Kamzës. Më parë ata kanë qenë në përballje për kryebashkiak, ku ka fituar Xhelal Mziu./Opinion.al
