Britania e Madhe do t’i bashkohet SHBA-së dhe do të dërgojë sisteme raketore me rreze të gjatë në Ukrainë.
Por një ekspert i luftës ka thënë për BBC se kjo “nuk do t’i ndryshojë gjërat brenda natës”, për shkak të numrit të kufizuar të raketave.
Raketat M270 që do të dërgohen në Ukrainë janë “xhevahiri i kurorës së aftësisë së Ushtrisë Britanike”, tha Dr Jack Watling, ekspert i Institutit Mbretëror të Shërbimeve në Mbretërinë e Bashkuar (RUSI).
Duke folur për programin Today të Radio 4, Watling shton se këto sisteme mund të shkatërrojnë artilerinë ruse në Ukrainën lindore. Por ai thekson se ukrainasit do të duhet të trajnohen për t’i përdorur ato.
Sa i përket kërcënimit nga presidenti rus Putin për të zgjeruar listën e tij të objektivave nëse Perëndimi dërgon sisteme me rreze më të gjatë, Watling thotë se kjo do të jetë e vështirë sepse synimi i Moskës tani për tani është ekonomia e Ukrainës si dhe pozicionet e saj të trupave.
