Një raketë e lëshuar nga rripi i Gazës në rajonin qendror të Izraelit, ka shkaktuar shtatë të plagosur në Tel Aviv.
Sipas mediave ndërkombëtare, raketa u lëshua nga Hamasi për në Tel Aviv, ku goditi në rajonin e Mishmeret, një zonë që zakonisht nuk preket nga raketat e lëshuara nga Gaza.
Raketa ka shkatërruar një shtëpi, duke plagosur shtatë persona, ndër të cilët tre fëmijë. Nga ana tjetër, grupi radikal islamik Hamas, ka deklaruar se nuk ka asnjë përgjegjësi për sulmin e kryer.
Pas deklaratave të Shteteve të Bashkuara që paralajmërojnë një “kundërpërgjigje me forcë”, kryeministri izraelit Benjamin Netanyahu ka vendosur të ndërpresë vizitën zyrtare në Shtetet e Bashkuara dhe të rikthehet në Izrael.
Gjatë takimit mes Netanyahut dhe Trump në Shtëpinë e Bardhë, SHBA ka njohur zyrtarisht edhe sovranitetin e Izraelit mbi rajonin e Golanit./Opinion.al
