Videot e publikuara nga shteti islamik nuk do të transmetohen më në 2 kanalet televizive italiane “Rainews24” dhe “Rainews.it”. Në edicionin informativ të ditës së sotme gazetarja Monica Maggioni njoftoi se videot e ISIS nuk do të transmetohen më, duke i dhënë fund përhapjes së propagandës së tyre në botë .
“Në “Raineës24” dhe “Raineës.it” nuk do të shikoni më videot e prodhuara nga ISIS. Ky është një vendim që e kemi marrë pas disa muaj diskutime. Sa herë mbërrinte në redaksi një video e ISIS, midis nesh ndizej debati, për të vendosur deri kur do ta shfaqnim horronin dhe mizorinë e këtyre terroristëve. Mirë tani është e qartë për të gjithë mizoria dhe horrori. Ajo që do të ndalet është propaganda. ISIS është transformuar në një lloj Hollyëood-i i terrorit, çdo komunikatë bëhet me një regji. Ne nuk duhet të bëhemi pjesë e propagandës së tyre. Çfarë duhet të presim, të shikojmë fëmijët në kafaz që të ndalemi. Ne vendosëm të ndalemi sot. Do të transmetojmë vetëm një foto të asaj që po ndodh por do t’ju shpjegojmë ne si gazetarë se çfarë thonë. Do të vendosemi ne në mes të propagandës së tyre dhe njerëzve. Ka ardhur koha të themi, kjo gjë nuk duket në video, dhe ka ardhur momenti të përdorim instrumentet që kemi, inteligjencë, vlerat demokratike, për të kuptuar ku është limiti.”- deklaroi gazetarja Maggioni.
