Fluks pranë “autoambulancës rozë” të vendosur në sheshin “Skënderbej” ku ofrohet falas mamografia dhe pap-testi. Me dhjetra gra dhe vajza presin në rradhë për të bërë ekzaminimin falas. Ky interesim i madh sipas tyre vjen për shkak të pamundësisë financare që ato kanë.
“Jemi pa punë, nuk kemi para që të bëjmë kontroll në spital”.
“Është falas ndaj kam ardhur. Nuk kam mundësi që ta bëj me pagesë”.
“Po pres radhën, isha dhe dje nuk mbarova punë”.
Sipas obstetres Lindita Myzyri, afati tri ditor i ekzaminimit nuk shtyhet.
“Klinika e lëvizshme ka nisur dje, vijon sot do ofrojë shërbim dhe nesër deri në orën 6. Nëse do ketë fluks do shtyhet orari por afati tri ditor është. Ka patur vizita nga e gjithë Shqipëria”.
Mjekja bën apel për ndërgjegjësim dhe kontroll sa më të hershëm, pasi kanceri i gjirit dhe kanceri qafës së mitrës janë vrasësit kryesor të grave. Sipas të dhënave të ISHP-s, çdo vit raportohen 600-700 raste me kancer gjiri.
“Kanceri mamal ha gratë. Kontrolli i hershëm shpëton jetë”.
Përgjigjet e analizave sipas mjekes do të lexohen nga mjekët turq, dhe brenda dy javëve do t’u dërgohen pacientëve në qendrat e tyre shëndetësore.
Burimi: Klan Plus
