Radhë të gjata në Lushnjë për të tërhequr kartat e naftës pa akcizë. Nuk mungojnë as debatet mes fermerëve.
Kjo situatë është krijuar për shkak të numrit të madh të fermerëve që interesohen për të marrë sasinë e karburantit. Disa prej tyre kanë ardhur më shumë se një herë pranë kësaj pike.
“I lëmë të gjitha dhe vijmë këtu.”
“3 herë kam ardhur dhe s’kam marrë përgjigjie. Emrin e kam.”
“Këtu nuk respektohet radha fare, kemi dy orë këtu.”
Drejtoria e Bujqësisë njofton me telefon aplikantët ndërsa disa prej tyre janë skualifikuar për shkak të mangësive në dokumentacion.
Në skemat e subvencioneve kanë aplikuar më shumë se 20 mijë fermerë. Në qarkun e Fierit kanë mbërritur deri tani rreth 6600 karta nafte dhe janë shpërndarë rreth 35300./ Klan News
