Janë shitur dje 2 mijë biletat e disponueshme për derbin e Milanos. Radha e gjatë e tifozëve shkonte deri në 50 metra, me fatlumët që arritën të sigurojnë biletat e fundit për një vend në “San Siro”.
Me stadiumin plot, klubi kuqezi do të arrijë shifrën e 935 mijë tifozëve sezonalë që e kanë ndjekur Milanin në ndeshjet në shtëpi. Ndaj Arsenalit synohet përsëri një dyndje tifozësh në mënyrë që të kalohet edhe shifra e 1 milion ndjekësve sezonalë për sfidat e “Djallit”.
