Edhe pse kanë kaluar disa ditë që nga rënia e zjarrit në Tajlandë, skuadrat e zjarrëfikses vazhdojnë akoma aksionin për shuarjen e flakëve.
Zjarrfikësit në Tajlandën qendrore bëjnë me dije se kanë ditë të tëra duke luftuar me zjarrin që ka përfshirë dy malet dhe një pjesë të një parku pyjor. Sipas tyre zjarri filloi në malin Khao Chaplu në provincën Nakhon Nayok, rreth 50 milje (80 kilometra) në verilindje të Bangkok.
Autoritetet thanë se zjarri u shkaktua nga një stuhi rrufeje ditën e martë dhe erërat e forta e kanë përhapur atë me shpejtësi në të gjithë territorin, por deri më tani nuk janë raportuar të vdekur ose të plagosur.
Nga departamenti i parandalimit të fatkeqësive bëhet me dije se ditën e enjte, përmasat e zjarrit ishin përhapur deri afër një parku pyjor.
Përmes një postimi në Facebook ata lajmëruan se vetëm gjatë ditës së enjte, tre helikopterë janë dërguar në zonat përkatëse për të shuar zjarrin, duke përdorur më shumë se 150,000 litra ujë mbi flakët.
Ndërkohë sipas autoriteteve zyrtare përmasat e zjarrit po përpiqen të mbahen nën kontroll./Opinion.al
