Albert Taullau, 58 vjeç, është personi që ka humbur jetën pasi është rrëzuar nga kati i tretë i banesës ditën e sotme. Ngjarja ka ndodhur në lagjen “Loni Dhamo” të Lushnjes.
Në vendngjarje ka shkuar grupi hetimor dhe po punon për zbardhjen e rrethanave.
Ndërkohë mësohet se Albert Taullau është vëllai i Saimir Taullaut, biznesmenit nga Lushnja të cilit i është bërë atentat në Tetor 2018, dhe që mundi t’i shpëtonte.
Në të njëjtën banesë ku sot u rrëzua dhe gjeti vdekjen Albert Taullau, në vitin 2019 ishte vendosur lëndë plasëse eksploziv. Nga ngjarja në atë kohë nuk pati asnjë të lënduar për arsye se në banesë nuk kishte asnjë person.
Familja Taullau është përfshirë në një konflikt me grupin e Aldo Bares, ku është vrarë dhe vëllai i Saimirit e Albertit, Baki Taullau./Opinion.al
