Janë rreth 300 njerëz të varrosur në ‘varre masive’ në Buka jashtë Kievit”. Kështu deklaroi kryetari i qytetit në veriperëndim të kryeqytetit ukrainas, i sapo çliruar nga pushtimi rus.
Ukraina njoftoi se Buka ishte “çliruar”, por qyteti ishte shkatërruar nga luftimet. Gazetarët që shkuan në qytet panë vrima të mëdha, me sa duket të shkaktuara nga raketat, në shtëpi dhe shumë makina, të shkatërruara plotësisht.
Gjashtëmbëdhjetë nga trupat e gjetur në rrugë ishin në trotuar ose në buzë të tij. Tre ishin në mes të rrugës dhe një tjetër në oborrin e një shtëpie. Një pasaportë e hapur ukrainase ishte në tokë, pranë burrit të gjetur me duart e lidhura pas shpine me një copë leckë të bardhë.
Të gjithë burrat mbanin pallto dimërore ose triko, xhinse ose pantallona të gjera dhe atlete ose çizme. Dy ishin të shtrirë pranë motoçikletave, një pranë një makine. Disa ishin të shtrirë në shpinë, të tjerët me fytyrë poshtë. Mësohet se trupat kanë qenë aty prej disa ditësh./Opinion.al
