OKB po studion mundësitë për të ndërtuar qytete lundruese nëpër disa vende të ndryshme të botës, si një mundësi për të ulur nivelin e detit që është gjithnjë e në rritje.
Studimi i organizatës lajmëron se 90% e qyteteve më të mëdha në botë janë të rrezikuar nga përmbytjet për shkak të shkrirjes së akullnajave dhe rritjes së nivelit të detit. Për këtë arsye, ka nisur një projekt për të dizajnuar dhe modeluar jetën e të ardhmes në disa platforma që do të pozicionohen në det, të lidhura në formë unaze me njëra-tjetrën.
UN-Habitat, zyra e zhvillimit urban në OKB, do të bashkëpunojë për këtë projekt me kompani private, profesionistë të fushës, dhe financues për të çuar përpara konceptin.
“Qytetet lundrues janë një prej zgjidhjeve të mundshme”, tha drejtori ekzekutiv i UN-Habitat Maimunah Mohd Sharif. Brenda disa muajsh do të ndërtohet prototipi i parë që do të mund të shihet edhe nga publiku, pasi do të vendoset në lumin Lindor në selinë e OKB në Nju Jork, ndërsa një tjetër version do të ndërtohet në Kopenhagën.
Gjithsesi që në nisje të tij projekti ka hasur dhe me kritika sepse sipas ambientalistëve këto qytete mund të tërheqin vëmendjen nga kërkimi i zgjidhjeve të problemeve rrënjësore të ndryshimeve klimatike, por edhe se jetesa në to do të mund të përballohet vetëm nga super të pasurit, duke lënë kështu komunitetet e njerëzve me pak të ardhura në mëshirë të fatit./Opinion.al
