Kryeministri Edi Rama iu është përgjigjur në një komunikim live pyetjeve dhe mesazheve të qytetarëve.
Mes tyre, kreu i qeverisë është ndalur edhe tek mesazhi i një personi me emrin “Bruna Brunilda”, e cila i shkruan:
“Pse i mban mbyllur farmacitë të shtunë e të diel, në çdo lagje duhet të jetë një e hapur, me turne, apo ti për vete i ke nga Kolumbia ilaçet…”
Ashtu si zakonisht, Rama nuk ka kursyer ironinë teksa i përgjigjet qytetares, duke u kapur pas profilit të saj, por pa dhënë përgjigje konkrete për pyetjen e ngritur.
“Amanet mushkat thonë plakat e jugut, kur iu dalin përpara njerëz si ti, që natyrisht je me një profil fals. Shumë shumë ti je një Brunë, jo një Brunilda, se nuk ka shans që një Brunilda të flasë me këtë gjuhë“, u shpreh kryeministri./Opinion.al
