Si në protestën e 16 shkurtit edhe këtë të enjte autobusë me mbështetës të Partisë Demokratike janë nisur nga rrethet. Po ashtu një pjesë tjetër ka zgjedhur të udhëtojë drejt Tiranës me mjete private.
Godina e Parlamentit të Shqipërisë është rrethuar nga telat me gjemba që mbrëmjen e së mërkurës. Mbi 1200 forca policie pritet që të blindojnë Parlamentin në protestën e dytë të opozitës, që vjen pak ditë pas asaj të 16 Shkurtit, e cila u përshkallëzua në dhunë përpara godinës së Kryeministrisë.
Policia e Shtetit tha se ka të dhëna se protestuesit e opozitës do të hyjnë me forcë në sallën e parlamentit. Në të njëjtën kohë, kreu i Kuvendit, Gramoz Ruçi njoftoi anulimin e seancës plenare të së enjtes.
Gazetari Artan Hoxha ka treguar planin e policisë për protestën e së enjtes të opozitës. Sipas tij policisë i kanë dhënë informacione dhe partnerët ndërkombëtarët. Garda ka thënë Hoxha në “Opinion” do të jetë vetëm brenda godinës së Kuvendit, ndërsa forcat e policisë do të jenë vetëm fizikisht por si në rastin e 16 shkurtit nuk do të ndërhyjë. /G.F Opinion.al
