Përzgjedhja e shefave të rinj të shërbimeve në spitalin “Nënë Tereza” ka mbetur në ngërç. Ndërkohë vijojnë punën shefat aktual pavarësisht kalimit të afatit ligjor.
Ministrja e Shëndetësisë, Ogerta Manastirliu e pyetur se kur do të zgjidhet çështja, ia ngarkon përgjegjësinë Ministrisë së Arsimit.
“Jam për bashkëfirmosje me Ministrinë e Arsimit. Nuk po zgjatet, unë i kam firmosur, është Ministria e Arsimit për të bërë procedurat përkatëse. Secili institucion ndjek procedurat,” tha ajo.
Ndërkohë mësohet se 4 kandidatë për shefa shërbimesh i janë drejtuar gjykatës administrative ku kanë denoncuar pikërisht procesin e përzgjedhjes së fituesve si dhe paditur komisionin që ka përzgjedhur fituesit dhe vetë QSUT, raporton Balkanëeb.
Shefat e rinj të shërbimeve duhet të drejtojnë pavionet e endokrinologjisë, kirurgjisë pediatre, dermatologjinë dhe reumatologjinë. Intervistat e kandidatëve janë mbyllur në fund të nëntorit të vitit të kaluar, ndaj lista e fituesve duhet të ishte publikuar tashmë.
Në fillim të garës u premtua se procesi pot ë zhvillohej në mënyrë transparente, gjë e cila nuk ndodhi. Në rradhë të mjekëve përflitet se përzgjedhja nuk është bërë me konkurs, por me emërime./E.L
