Qendra e Shërbimeve Arsimore ka publikuar vendimin për ndryshimin e kufirit të pikëve për notat në provimin e matematikës.
Vendimi vjen pas deklaratës së ministres së Arsimit Evis Kushi lidhur me protestat e zhvilluara nga maturantët për tezën e Matematikës me pretendimin se ishte i vështirë duke kërkuar ulje të pragut të pikëve.
Në vendimin e publikuar nga QSHA, bëhet me dije se do të ketë një ulje të kufirit minimal të pikëve për çdo notë.
Ky vendim erdhi pas ngritjes së një grupi pune me mësues me përvojë në fushën e matematikës, maturantë dhe ekspertë, të cilët analizuan në detaje këtë provim dhe shkallën e vështirësisë./ Opinion.al
