Arlind Qori, kandidati për bashkinë e Tiranës nga lëvizja “Bashkë” ka folur në emisionin “Opinion” lidhur me zgjedhjet e 14 Majit, ku tha ndër të tjera nëse dështon do të jetë përgjegjësia e tij dhe nëse fiton do të jetë për meritë të të gjithëve.
Duke folur për një projekt afatgjatë, Qori deklaroi gjithashtu se do të ketë një vëmendje të shtuar ndaj ruajtjes së votës.
“Ne do të kemi njerëz me kamera aty. Ne do të kemi njerëz në çdo tavolinë numërimi me sytë 4, 6, 8 si të duhen dhe do vëzhgojmë dhe jo vetëm do vëzhgojmë do të ngremë zërin, do të bëjmë potere. Aty nuk ka për të vazhduar procesi i numërimit nëse ne dyshojmë që qoftë edhe një votë e vetme do të na preket. Çfarë do na bëjnë? Do na rrahin në mes të Tiranës? Do na vrasin në mes të Tiranës? Ne kemi në dorë po them që ta ndërgjegjësojmë aq shumë publikun dhe do të bëjmë një skandal aq të madh saqë ata që do guxojnë të prekin votën të thonë vallaj nuk ia vlen”, u shpreh Qori./Opinion.al
